Sunneva Líf byrjaði að æfa jazzballett hjá JSB árið 2011 og útskrifaðist af framhaldsskólabraut árið 2017.

Síðan þá hefur Sunneva tekið sér ýmislegt fyrir hendur. Klárað dansnám á nútímadansbraut við Balettakademien Stockholm, auk starfsnáms við Skånes dansteater og Íslenska dansflokkinn, sem og B.Sc. nám í sálfræði við Háskóla Íslands. En samhliða náminu hefur hún starfað við m.a. danskennslu og verkefnastjórnun.

Hún er auk þess með réttindi sem kennari í aðferðinni Dance for PD® eða danstímum fyrir fólk með parkinson og tengdar taugaraskanir, og hefur mikinn áhuga á bæði dansi sem heilsubót og velferð dansara og dansnemenda.

Sunneva kenndi ballett á grunnstigi JSB 2021-2022.
Hún hefur aftur störf hjá JSB vorið 2026 sem kennari í snertispuna á framhaldsskólabraut samhliða meistaranámi í Listum og velferð við Listaháskóla Íslands.