Skólareglur JSB
Danslistarskóli JSB leggur ríka áherslu á að nemendur haldi í heiðri eftirfarandi reglum:
- Bera skal virðingu fyrir samnemendum og kennurum. „Komdu fram við aðra líkt og þú vilt að komið sé fram við þig.“
- Nemendur skulu vera stundvísir. Tilkynna þarf seinkun til kennara í gegnum Abler appið.
- Tilkynna ber forföll í Abler. Hægt er að merkja við „mæti ekki“ og skrifa skýringu í athugasemd. Ef um langvarandi fjarveru er að ræða skal hafa samband við skólastjóra.
- Vel skal gengið um húsakynni JSB og hafa alla framkomu til fyrirmyndar.
- Ekki má neita matar inni í danssal.
- Farsímar eru ekki leyfðir í búningsherbergjum.
- Taka skal verðmæti með sér inn í tíma. Nemendur sem koma með verðmæti í skólann gera það á eigin ábyrgð.
Klæðnaður nemenda í danstímum
Jazzballett
- Aðsniðinn bolur
- Aðsniðnar buxur / leggings
- Jazzballettskór
- Hár greitt snyrtilega frá andliti – í tagli eða fléttu
Ballett
- Ballettbolur
- Bleikar sokkabuxur
- Ballettskór
- Hár greitt snyrtilega frá andliti – í snúð
Nútímadans
- Langermabolur
- Þægilegar buxur
- Nemendur dansa berfættir
- Hár greitt snyrtilega frá andliti
Eineltisstefna Danslistarskóla JSB
Einelti og annað ofbeldi er ekki liðið í Danslistarskóla JSB.
Reynt er að fyrirbyggja einelti og ofbeldi með hópefli í öllum hópum. Danslistarskóli JSB á að vera öruggur staður fyrir öll börn og skólastarfið okkar mótast af virðingu og væntumþykju.
Starfsfólki og nemendum/forsjáraðilum ber að tilkynna grun um einelti til kennara eða skólastjóra strax og þess verður vart.
Þar sem eineltismáls geta verið jafn ólík og þau eru mörg þarf stjórn skólans að vega og meta viðbrögð hverju sinni. Ef grunur er um einelti fylgist kennari með og skráir. Kennari og/eða skólastjóri ræða við meintan þolanda og geranda/gerendur til staðfestingar. Haft er samband við foreldra/forsjáraðila og þeir settir inn í málið.
Ef grunur um einelti er staðfestur gerir skólastjóri áætlun í samráði við kennara um hvernig tekið verði á málinu innan danshópsins.
Allir aðilar koma sér saman um leið að lausn málsins.
Ef ágreiningur verður á milli starfsmanns og barns í Danslistarskóla JSB:
- Skólastjóri aflar sér upplýsinga um málið.
- Skólastjóri hefur samráð við forsjáraðila og/eða kennara hvað gera skuli innan skólans.
- Foreldrar/forsjáraðilar barnsins sem málið varðar, kennarar og skólastjóri halda fund þar sem upplýst er um málið og næstu skref ákvörðuð.
Þórdís Schram, skólastjóri: [email protected]
Stjórn skólans
Þórdís Schram, skólastjóri – [email protected]
Helga Hlín Stefánsdóttir, umsjónarmaður skráningar og greiðslu – [email protected]
Rebekka Sól Þórarinsdóttir, viðburðastjóri – [email protected]
Bára Magnúsdóttir, stofnandi – [email protected]
Foreldrafélag 2026-2027
Helen Breiðfjörð, Kristín Ólafsdóttir & Lilja Helgadóttir